შინაგან საქმეთა სამინისტრო მედიასაშუალებისა და მობილური ოპერატორებისგან ზუგდიდში სპეცოპერაციების პირდაპირ ეთერში გადაცემის შეწყვეტას მოითხოვდა.
მინისტრის მოადგილე, ვლადიმერ ბორცვაძემ განაცხადა, რომ სხვა შემთხვევაში გამოიყენებენ კანონით მინიჭებულ უფლებას, რაც გულისხმობს მაუწყებლობის გათიშვას:
“ყველა მედიასაშუალებებისგან და მათ შორის, მობილური ოპერატორებისგან მოვითხოვთ კატეგორიულად, მძევლების, სამართალდამცავებისა და რიგითი მოქალაქეების უსაფრთხოების დაცვის მიზნით და ასევე, საპოლიციო ღონისძიებების ეფექტიანობისთვის მოხდეს Live სიგნალის გათიშვა. წინააღმდეგ შემთხვევაში სახელმწიფო იტოვებს უფლებას გამოიყენოს კანონმდებლობის ყველა ბერკეტი, რათა მოხდეს აღნიშნულის უზრუნველყოფა”, – აღნიშნა მინისტრის მოადგილემ.